《巴利薛爾:飛常任務》衰衰格格湯告魯斯更有可觀性

Horace Chan 9/4/2017 12:00:00 AM 影評

說實話,已經有九年無睇過湯告魯斯主演嘅影片。上一次睇應該係2008年佢做果個禿頭肥佬嘅《雷霆喪星》(Tropic Thunder),而真正領銜主演應該係十二年前史提芬·史匹堡執導嘅果部《強戰世界》(War of the Worlds),事實上『靚佬湯』近呢十幾年,代表作欠奉,近兩部《職業特工隊》縱使影評有不少讚賞,但真正有突破甚或有獎項提名角色已經做不到,繼續扮英雄扮靚佬,亦令觀眾感到厭倦,上作《盜墓迷城》更係劣評如潮。我自己深感慶幸,沒有浪費人生寶貴兩小時捧場,逃過一次『中伏』機會。

新片American Made, 難以明白為何發行商懶惰求其索性中文片名叫做《巴利薛爾:飛常任務》, 『靚佬湯』另一部口碑不俗電影《異空戰士》(Edge of Tomorrow) 後,再度跟導演德格里文 (Doug Liman) 合作, Doug Liman最記得係早期作品Swingers. 最令人津津樂道,只用二十萬美金,最後狂收四百幾萬美金。之後嘅《叛諜追擊》(The Bourne Identity)同《史密夫決戰史密妻》(Mr. & Mrs. Smith),大家都以熟能詳,不必多作介紹了。
 
今次湯告魯斯 飾 巴利薛爾(Barry Seal)飛行技術超卓,表面上是民航機師,暗地裡走私違禁品。一天他被中情局找上,要求協助收集情報,繼而運送違禁品。其間巴利認識了哥倫比亞大毒梟,大茶飯越搞越大,更引起緝毒局和白宮注意!
 
事實上,唔扮英雄唔扮有型,只係做返個有性格缺陷,更加有可觀性。例如當年嘅成名作《乖仔也瘋狂》(Risky Business), 甚至係處事圓滑到有點乞人憎嘅Jerry Maguire, 抑或係《人生交叉點》(Magnolia)裡滿口租言穢語嘅激勵演講者 (同病危父親喺病床果場戲實在拍案叫絕!)。《巴利薛爾:飛常任務》全片別無冷場,『靚佬湯』呢種衰衰格格演繹亦都令劇情更加引人入勝。

網主 Horace Chan

你可能感興趣

即將上映