《西遊記女兒國》成績中規中矩 港台明星淪為陪襯

陳子斌 2/17/2018 12:00:00 AM 影評

據聞《女兒國》在內地上映優先場,僅一小時票房已過億人民幣,所以睇嚟西遊記繼續長拍長有,今隻講述孫悟空(郭富城 飾)、豬八戒(小沈陽 飾)和沙僧(羅仲謙 飾)一路打打鬧鬧保護師傅唐僧(馮紹峰 飾)去西天取經,不料偶然闖進了神秘的西梁女國——一個從未有過男人的國家。

因為上年有《神奇女俠》,講述女兒國橋段已不再新鮮,前半段依然保持妙趣,更弄出唐僧、八戒和沙僧卻在打鬥中誤飲子母河水而意外懷孕,算係得啖笑。但後半段集中講述唐僧同女兒國國王(趙麗穎飾,我搞唔清楚佢容貌同佟麗婭有乜分別)之間一段情,趙麗穎都還可以,但馮紹峰木口木面,而說實話一段情寫得唔係太深刻。今集孫悟空表現身手機會不多,郭富城只係大配角,另一港星梁詠琪有台型,但當然不再係青春玉女,還有後段出現飾演河神林志玲。眾港台明星襯托趙麗穎馮紹峰。成績只是中規中矩,電腦特技效果比頭兩集無咁山寨,但不及去年郭子健《悟空傳》。

網主 陳子斌

你可能感興趣

即將上映